Yaad hai na...?

Yun to kehtey firtey ho, jaan basti hai usme meri...
Par kya yaad hai tumko vo saawan ki raat
jab vo paida hui thi...
Dekh tumhe the sb preshan
kyuki,
tumko to lardka chaheye tha na.
Par waqt bdla,
aur tumne beintehan pyar lutaya tha...

Har zid, har khwahish,
tum uski puri krne lge,
uski ek muskaan tumhari jaan ho gai,
duniya bhar ki khushiyan rakhna chahtey the uske nanhe kadmon mein.
vo hasti - to tum hastey,
vo rooti - to tum rootey,
vo ruthti - to tum mnatey bhi the,
har zidd puri bhi ki tumne...

Yaad hai na vo shararatein
vo loori jo tum sunaya krtey the,
uska vo rooth kr khana na khana,
aur,
tumhara mnana,
aur tumhe bhukha dekh
apna saara ruthna bhul kr sath khana.
Aur vo sil-sila aaj bhi jaari ha...

Waqt beeta aur vo brdi hui,
tumhari soch wali nhi,
khud ki krne wali.
Vo khud mein he rehne lgi,
par pyaar kam na hua tha,
par kya krti
tum saamajik shikayton mein uljhe the...


Galtiyan bhi thi,
kuch jaan-bujhkr nadaniyan bhi thi,
par pyaar bhi tha, haan pyaar tumhara.
Jo na samjhi thi baat tumhari, to kya tumhara dhairya tyaag shi tha..?
Tumhari he thi, pyaar se samjhana tha
100 kya hazar baar samjhana tha,
tumhari he to thi.
Par tum bhi ukhrde-ukhrde rehne lge
aur, vo bhi khud he mein tut ne lgi
jha pyaar tha vha na jaane kya aane lga tha...

Waqt beet ta jaa rha tha...

Aur waqt k sath bard rhi thi duriyan,
na jaane kis baat ki hord thi
vo bachchi to thi tumhari.
Aur agar tum bina galtiyon k bde hue the
to haan, mahaan the tum...

Haan galtiyan bohot hai,
par pyaar bhi hai.
Jaan bhi to uski tum mein basti hai,
par tumko dur jaata dekh tut ti bhi hai...
Aur ab to lagta hai,
jo kehtey firtey the ki jaan hai vo meri
maano nazar he lag gai ho.
Par haan pyaar ajj bhi hai
Aur, beintehan hai...


BY:- PALAK CHAWLA


ALL COPYRIGHTS RESERVED BY PALAK CHAWLA