Pinjra

Mujhe iss pinjre se aazad hona hai,
bekhauf sa hokr bina smaaj ki parvah kiye
apne mann se jeena hai,
logon ke dikhae raastey pr aankhen bnd kr ke nhi.

Kprde pasnd ke pehan ne hai,
logon ke nazar ke hisaab se nhi.

Ghoomna yaaron ke sath hai,
logon ki soch ke sath nhi.

Baaten apne dil se krni hai,
logon ke dimag se nhi.

Kyu mai smaaj ki chhoti soch ke pinjre qaid rhu,
yeh aasman baraabar ka hai humara to mai kyu na apne pankh failau.

Khule aasman mein jiyungi zarur pr,
dusro ko zaleel nhi krungi.
Modern soch ka dhong krke,
apni soch mein bnd nhi krungi.

Ek waqt aaega,
jb yeh pinjra nhi
yeh aasman mera ghar kehlaega.

Sapna hai yeh mera sach ho jaega,
pinjre se har panchhi aazad ho jaega...

BY:- PALAK CHAWLA

ALL COPYRIGHTS RESERVED BY PALAK CHAWLA

Aurat.

Maa bhi hai vo,
behen bhi hai vo,
kisi ki ardhangani hai vo,
ek insaan ke roop mein shohrat hai vo.

Navratri mein bhagwaan ka darja usko tumne diya,
uske bin koi pooja na safal hoti tumhari.
Usko rani bhi bnaya,
aur
naukrani bhi.
Uski mamta ki duhai bhi dete ho,
ek insaan ko tumne he bhagwaan bnaya hai.

Vo aurat hai jnaab
kyu usko sir pe bitha kar neeche giraya hai.

Kyu vaishya bol kar usko neecha dikhatey ho,
yeh kalyug hai yha kehne ko to mard aur aurat mein koi farq hai nhi,
par fir bhi kyu usey shaadi ke naam par statey ho.
Kyu vo sab chod kar ek mard ke makaan ko ghar bnane aati hai,
kyu sab chod kar aane par bhi usko dahej ke naam par noochtey ho,
kyu dahej rupi dhan ki laalach mein tum uski khaal udherdtey ho,
kehne ko to mard aur aurat mein koi farq hai nhi
fir kyu sirf usko sati ki aag mein jlaatey ho.

Vo aurat hai jnaab
kyu usko sir pe bitha kar neeche giratey ho...


BY :- PALAK CHAWLA


ALL COPYRIGHTS RESERVED BY PALAK CHAWLA

Badaltey Daur

Kisi ki na sunne waale,
apne mann ki karnne waale,
ajj apne he bachchon ke hukum ke ghulaam hain.

Vo bhi ek daur tha,
yeh bhi ek daur hai.

Bekhauf si zindagi jeene waale,
nidar se vo insaan the,
ajj ghabrae se sehme se reh gae hain.

Vo bhi ek daur tha,
yeh bhi ek daur hai.

Door-door tak chalne waale
aaj laathi ke mohtaaj hain,
seena taan ke chalne waale jhuki kamr ke sath hain.

Vo bhi ek daur tha,
yeh bhi ek daur hai.

Ghar ko ghar bnane waale
aaj vridhaashrm ke mehmaan hain,
khulke zindagi jeene waale ek pinjre mein kaid hain.

Vo bhi ek daur tha,
yeh bhi ek daur hai... X2


BY :- PALAK CHAWLA

ALL COPYRIGHTS RESERVED BY PALAK CHAWLA

IZZAT...

Fate kaprde,
Bikhre baal,
Bigrda chehra,
Ghabrai si chaal.

Ajj fir kisi ki izzat uchli beech bazar...

Aaj fir ek jnaaza uthega,
ajj fir ek ghar tbaah hoga.

Kisi ka sir sharm se jhukega,
kisi ka dil hog taar-taar.

Ghamand aaega kisi ko mard hone ka,
kyu ki aaj uske haathon ne sare-aam ek aurat ki izzat uchaali thi,
ek aurat ko apne neeche rakh uske har ang p apni chaap chordi thi.

Choor-choor hui vo uske prahaar se,
tooti hui si bistar pr hui vo niraash thi,
fir ek baar ek lardki ki izzat ka khel bna,
fir ek baar ek nanhi pari hui hataash thi.

Bass yun-he iss qadar ek aur izaat badnaam hui,
hastey-kheltey parivaar ki khushiyan nelaam hui...

BY :- PALAK CHAWLA

ALL COPYRIGHTS RESERVED BY PALAK CHAWLA

Chinta kya krta...

Sab zindagi ka hissa hai,
aaj ka parishram kal ko
sunhera bnane ka hissa hai.

Hum bhi hain yhaa,
door ghar se,
maa ke aanchal se,
papa ki daant se,
behen ke pyaar se.

Lautenge dobara apne sheher
karke pardhai poori,
fir na rahengi
kisi se bhi yeh doori.
Btaane ko to kisse aneek honge,
baithenge dosto ke sath chai par.

Chinta kya krta hai,
yeh ghar se door bitae din
kal tujhko dobara yaad aaenge.
yeh hostel ke din teri aankhen num kar jaengi....

BY :- PALAK CHAWLA

ALL COPYRIGHTS RESERVED BY PALAK CHAWLA

Aisi thi vo...

Ek ankahe se khwaab si thi vo,
mere zindagi ke jwaab si thi vo.
Kuch khud mein he simti hui si thi vo,
ek paheli si thi vo...

Jab pass mein mere thi vo,
bss ek uljhi si paheli thi vo.
Na kuch kehti thi,
na kuch btati thi ,
khud mein he khud ko samet ke rakhti thi vo...

Shaam ki ek gazal
aur, raat ki ek kahaani thi vo
Pyaar ki ek ajeeb si dastaan si thi vo
Maine to usko chaand samjha tha,
par khud poora aasmaaan thi vo...

Aaj bhi uski yaad aati hai,
jaane kis haal mein hogi vo...?
Khair jaanedo jahan bhi hogi vo,
bus samaah sa baandh rahi hogi vo.

Aisi thi vo
bas meri zindagi ka jawaab thi vo
mere kuch ankahe se khyal thi vo...

BY- PALAK CHAWLA

ALL COPYRIGHTS RESERVED BY PALAK CHAWLA

Dosti....

Chal yaar chle khi door,
baithe kisi tapri par,
karen baaten zindgi ki
kuch tu suna kuch mai khu.
Karen college ke din yaad,
purani yaadon ka pitara kholtae hai,
kuch hastey hai
kuch hasi ke aansu bahatey hai...

Vo mere breakup par teri party mangna,
mere patch-up par tera gaaliyan sunana.
Teri bike pe baithkar ghumna,
aur apni hone ka rob jamana

Raat ke 2 bje tera mere liye chai aur maggi bnana,
raat raat bhar dono ka
apni-apni girlfrnd ki baaten krna.
Mera ghar mujhse zada tera hona,
meri maa ka mujhse zada tujhpe bharosa hona,
aur tujhse mera jalna

Gharwalo se chup kar chhat pe cigarette peena,
vo pehli cigarette tune peena sikhaya
whiskey ka pehla ghoont bhi tu ne he chakhaya tha...

Chal yaar chle khi door,
baithe kisi tapri par.
Iss bhaga-daudi bhari zindagi se
sukoon ke do pal churatae hai,
aise to phase he hai iss dal-dal  mein
do pal chura kr
purani yaadon ka pitara kholtae hai
kuch hastey hai
kuch hasi ke aansu bahatey hai...

BY :- PALAK CHAWLA


 ALL COPYRIGHTS RESERVED BY PALAK CHAWLA💖💖💖💗