Aisi thi vo...

Ek ankahe se khwaab si thi vo,
mere zindagi ke jwaab si thi vo.
Kuch khud mein he simti hui si thi vo,
ek paheli si thi vo...

Jab pass mein mere thi vo,
bss ek uljhi si paheli thi vo.
Na kuch kehti thi,
na kuch btati thi ,
khud mein he khud ko samet ke rakhti thi vo...

Shaam ki ek gazal
aur, raat ki ek kahaani thi vo
Pyaar ki ek ajeeb si dastaan si thi vo
Maine to usko chaand samjha tha,
par khud poora aasmaaan thi vo...

Aaj bhi uski yaad aati hai,
jaane kis haal mein hogi vo...?
Khair jaanedo jahan bhi hogi vo,
bus samaah sa baandh rahi hogi vo.

Aisi thi vo
bas meri zindagi ka jawaab thi vo
mere kuch ankahe se khyal thi vo...

BY- PALAK CHAWLA

ALL COPYRIGHTS RESERVED BY PALAK CHAWLA

Dosti....

Chal yaar chle khi door,
baithe kisi tapri par,
karen baaten zindgi ki
kuch tu suna kuch mai khu.
Karen college ke din yaad,
purani yaadon ka pitara kholtae hai,
kuch hastey hai
kuch hasi ke aansu bahatey hai...

Vo mere breakup par teri party mangna,
mere patch-up par tera gaaliyan sunana.
Teri bike pe baithkar ghumna,
aur apni hone ka rob jamana

Raat ke 2 bje tera mere liye chai aur maggi bnana,
raat raat bhar dono ka
apni-apni girlfrnd ki baaten krna.
Mera ghar mujhse zada tera hona,
meri maa ka mujhse zada tujhpe bharosa hona,
aur tujhse mera jalna

Gharwalo se chup kar chhat pe cigarette peena,
vo pehli cigarette tune peena sikhaya
whiskey ka pehla ghoont bhi tu ne he chakhaya tha...

Chal yaar chle khi door,
baithe kisi tapri par.
Iss bhaga-daudi bhari zindagi se
sukoon ke do pal churatae hai,
aise to phase he hai iss dal-dal  mein
do pal chura kr
purani yaadon ka pitara kholtae hai
kuch hastey hai
kuch hasi ke aansu bahatey hai...

BY :- PALAK CHAWLA


 ALL COPYRIGHTS RESERVED BY PALAK CHAWLA💖💖💖💗

Bete bhi parae hote hai...

Uthkar paani na lene wale,
ab kaprde khud se dhote hai.
Ghar ke chirag the jo,
ab akele mein rotey hai.
Sirf betiyan nhi,
bete bhi parae hote hai.

Sir dard hone par din bhar
bistar mein rehene wale,
ab tabiyat khrab hone ke
baad bhi aaram nahi lete hai.
Sirf betiyan nhi,
bete bhi parae hote hai.

Din bhar soone wale,
ab puri puri raat nhi sootey hai.
Andhere se darne wale,
ab andhere mein he rehtey hai.
Papa ki daant kha kr
mummy ko btane wale,
ab zaamane ke nakhre
aur gussa sehtey hai.
Sirf betiyan nhi,
bete bhi parae hote hai...

Sheher mein bohot se
chehre murjhae hue hote hai,
yeh sab apne ghar se door
aae hote hai.

Sirf betiyan nhi,
bete bhi parae hotey hai,
Sirf betiyan nhi ,
bete bhi parae hotey hai...

 BY:-PALAK CHAWLA

ALL COPYRIGHTS RESERVED BY PALAK CHAWLA

PAPA...

Yun to zidagi mein bohot se rishtey dekhe hai,
par mere pita k samne vo saare feeke hai.
Yun to log kehkar bhi sab bhool jaatye hai,
par pita vo hai jo bin kahe sab kar jaatey hai.

Khud ko tord kar vo humko jordte hai,
humari khushi k liye vo
apni khwahishon ka dum ghot tey hai.
Khud k aansu apne dil mein chupa kar rakhtey hai,
pita vo hai jo
humko sar-aankhon par bitha kar rakhtey hai.

Duniya ka to pta nhi par,

Iss girti duniya mein
maine ek sahare ko dekha hai,
iss bhaagti hui bheerd mein
maine apne pita ko dekha ha.
Din raat ek karke
apne pariwaar ko paalte hue dekha hai,
meri maa ko apne haathon se khaana khilaate hue dekha hai.

Yun to unhone duniya dekhi hai,
par maine apne jahaan ko unme baste hue dekha hai.

BY:- PALAK CHAWLA

ALL COPYRIGHTS RESERVED BY PALAK CHAWLA

Harna nhi kabhi...

Kehti hu ki haarna nahi kabhi,
Harna nahi kabhi ki zindagi asaan nahi hai.
Agar paana hai kuchh is zindagi mai,
To teri pahuch sirf aasmaan nahi hai.

Saahil pr pahuchne se inkaar nahi hai lekin,
Toofano se ladne ma majaa hi kuchh aur hai.
Tod zanjeere aur kar khud ko aag,
Ke sab kuchh aasani se mil jae to zindagi mai naam nhi hai.

Dar mujhe bhi laga faasala dekh kar,
par maine darna seekha nahi hai.
Harna to aasan hai is zindagi mai,
Pr harne se hasil zindagi mai mukam nahi hai.

Chal, uth, daud are bahr to nikalna hai,
Are abhi door hai manzil sab itna asaan nahi hai.
Kuchh to kasht uthana hoga tujhe,
Yuhi sabko kamiyabi mil jae ye koi mazak nahi hai.

Chal ab aaya samay kuchh kar dikhane ka,
Ki yu hi baithke kuchh bhi hasil nahi hai.
Dikha de duniya ko ki aag jo bhadki hai andar tere,
ye  chetawni hai koi dhamki nahi hai...

BY:- PALAK CHAWLA

ALL COPYRIGHTS RESERVED BY PALAK CHAWLA